Friedman: “Kufijtë e Serbisë kanë ndryshuar gjatë luftës, tani s’janë të shenjtë”

12:46 | 28 Gusht 2018
Arbresh.info

SHBA nuk do të kundërshtojë asnjë zgjidhje të problemit të Kosovës, i cili i kontribuon paqes në rajon, përfshirë edhe shkëmbimin e territoreve, konsideron George Friedman, njohës i mirë i rrethanave në Ballkan, transmeton Arbresh.info.

“Meqë kufijtë e Serbisë kanë ndryshuar gjatë luftës, mendoj se nuk ka arsye që kufijtë e tashëm të jenë të shenjtë”, i ka thënë Friedman gazetës “Danas”, themelues i agjencisë Stratfor, aktualisht njeriu i parë i kompanisë konsulente “Geopolitical Futures”.

Sipas tij, situata në Ballkan aktualisht nuk përbën çështje me rëndësi për SHBA, meqë ajo merret me Korenë, Kinën, Lindjen e Afërme, Rusinë, ndërsa çështja e Kosovës thjesht nuk është forcë lëvizëse në politikën e jashtme amerikane.